Lokalradio aamma ilinnuuvoq

Nipilersukkat nuannersorpassuit, isummat, qiimaneq, nutaarsiassat silassarlu ulloq unnuarlu Nuuk FM-imi ukioq kaajallallugu tusaaneqarsinnaapput.

Nunatsinni kisiartaalluni Nuuk FM nipilersukkanik kalaallisuunik, qallunaatuunik nunaniillu tamaneersunik professionel-imik suliarisanik aallakaatitsisarpoq.

” Nuuk FM-imi nipilersukkat nuannersut pingaaruteqarluinnarput, Henrik Arkalo Broberg, Nuuk FM-imi ittuusoq oqarpoq, nipilersuukkat tusaamaneqarluartut nutaat aallakaatinneqartartut kiisalu nuannarineqarluartut 70-ernisat, 80-ernisat 90-ikkornisallu aamma mininneqarneq ajortut.

Nipilersukkat aallakaatitassiallu saniatigut Morgenholdet, Henrik Bjarne-lu, Radiobingo, Nutaarsiassat silasssarlu Nuuk FM-imi nuannequtaalluinnartarput.

”Nuuk pillugu atavugut, aammalumi Nuuk inuussutigalutigu, tamannalu tunngaviulluinnartoq,” Henrik Arkalo Broberg ilisimatitsivoq.

Nuuk FM-ip naalaartartui 15-49 –nik akornanni ukioqartuupput – tamakkulu Nuummi inuuttaasut 61%-eraat.

Tamatumalu kingunerisaanik Nuuk FM nunatsinni pilerisaaruteqartarnikkut inissisimalluinnartuuvoq.

”Nalunaarutiginiagaq kinguneqarluassappat Nuuk FM naleqqulluinnartuusoq,” Masaana Egede oqarpoq, Nuuk FM-imi pilerisaarusiorfimmi pisortaasoq.

Nuuk FM nutaaliaalluinnartumik nipinik suliarinniffeqarpoq, taamaalilluni pilerisaarutit pitsassuit suliarineqarsinnaallutik.

Nuummi lokalradio allanik ateqartarnikuuvoq, 1980-ikkunniillu sannamigut ullumikkornit allaanerusumik iluseqarnikuulluni ingerlatsisullu assigiinngitsuunikuullutik – radiup aqqanut ilaanikuupput Radio Nuummiunut, Radio Uptown Nuuk aamma Nuummiut Tusaataat.

Nuuk FM pisortatigoortumik 1. november 2003 atuutilerpoq ullumikkullu Sisimiut Tusaataanit pigineqarluni.

Nuuk FM-imi aalajangersimasumik sulisut arfiniliupput.